Renanjoseph A. Ibale

-->

“KATARUNGAN SA KASING-KASING”

     By: Renanjoseph A. Ibale

Sala ba diay ang gugma

Pananglit kon sala

Kining kasingkasing ko

Iuli ko kang bathala.

Kon adunay mohusgar

Nga sala diay ang gugma

Sala ba diay usab kon mahigugma

Ako kang bathala?

Kahibulongan ang gugma

Sulod sa akong dughan

Kay may kaugalingon

Siyang katarungan nga di lang

Matungkad sa alimpatakan.

Kahibulongan ang gugma

Kay may kaugalingon

Siyang katarungan

Nga matungkad lamang

Sa kahitas-an.

  

Kahibulongan ang gugma.

Dili matagbaw

Kon dili bugtian og sama

Nga kahulogan sa

Iyang ngalan nga balaan

Nga ipitik sa lain dughan!